Odia Kabita

  ତସ୍ମୈଶ୍ରୀ ଗୁରୁବେ ନମଃ ଜ୍ଞାନ ଶକ୍ତି ସମାଋଢଃ ତତ୍ତ୍ବମାଳା ବିଭୁଷିତ ଭୁକ୍ତି ମୁକ୍ତି ପ୍ରଦାତାଚ ତସ୍ମୈଶ୍ରୀ ଗୁରୁବେ ନମଃ।    ନମଇଁ ନୃସିଂହ ଚରଣେ     ଅନାଦି ପରମ କାରଣ।   ଯେ ଗୁରୁ ପୁଣ୍ୟ କର୍ମ ଫଳେ   ଜନ୍ମ ଲଭିଲୁ ମହୀତଳେ।    ସେ ଆଦି ଗୁରୁ ଜନ୍ମ କର୍ତ୍ତା     ତହୁଁ ଅଧିକ ବିଦ୍ଯାଦାତା।     ତା ତହୁଁ ଶ୍ରେଷ୍ଠ ଜ୍ଞାନ ଗୁରୁ     ମହିମା କେବା ଅନ୍ତ କରୁ। (ଶ୍ରୀମଦ୍ ଭାଗବତ  ଦଶମ ସ୍କନ୍ଧ) ଗୁରୁ ପୂଜନୀୟ ପିତାମାତା ସମ         ଦେଖାନ୍ତି ସେ କର୍ମ ପଥ ସନ୍ତାନ ରୂପରେ ସେପଥେ ଚଲାନ୍ତି        ଧରି ଧରି ଆମ ହାତ।1। ପଥ ତ ସରଳ ମାୟା ହିଁ ଜଟିଳ        ଅଜ୍ଞାନ ଅବିଦ୍ୟା ଛାଇ ଜ୍ଞାନର ସାଧନା କରାଇ ଆମକୁ        ମାୟାରୁ ଦିଅ ଦୂରେଇ।2। କିରଣ ପରଶ ପାଇଲେତ ତହୁଁ       କୁହୁଡି ଯାଏ ଦୂରେଇ ତବ ଶିକ୍ଷାଦାନେଏ ମନର ମଳ        ଅଚିରେ ହେବ ସଫେଇ।3। ମାନବ ରୂପରେ ସଫଳ ଜୀବନ       ସାଧନାରେ ଅବିରତ ଜାଗୃତି କରାଇ ଆମ ସଂସ୍କୃତିକୁ       କରିଥାନ୍ତି ପରିପୃଷ୍ଟ। 4। ଦେବତାଙ୍କ ଭାବ ରହିଛି ହୃଦୟେ  ...

ପ୍ରତିଶ୍ରୁତି ହେ ପ୍ରତିଶ୍ରୁତି,ନାମଟି ତୁମର ବଡ ମଧୁର ହେଲେ ପାଳନ କରିବାକୁ କେବେ ହୋଇଯାଅ ଅତ୍ଯନ୍ତ ଜଟିଳ ଜନ୍ମରୁ ମୃତ୍ୟୁ ପର୍ଯ୍ୟନ୍ତ ସବୁଠାରେ ତୁମ କାୟା ବିସ୍ତାର। 1। କେବେ ଅସାଧ୍ୟ ତ ଆଉକେବେ ସରଳ ପ୍ରତିଶ୍ରୁତି ପାଳନରେ ସମର୍ଥ ଆନନ୍ଦରେ ହୋଇଯାଏ ଅଧିର ତୁମ ପାଖେ ହାରିଗଲେ ଝଡଝଞା ଅନ୍ତରାଳେ ଜୀବନଟା ଲାଗେ ଭାରି ଜଟିଳ ।2। ଈଶ୍ବରଙ୍କୁ ପ୍ରତିଶ୍ରୁତି ଦେଇ ଅବତରି ଏ ଧରା ପୃଷ୍ଠରେ ପାଳିବାକୁ ମନୁଷ୍ୟର ଧର୍ମ ସଂସାର ମୋହରେ ପଡି ଭୁଲିଯାଏ ପ୍ରତିଶ୍ରୁତି ହୋଇଯାଏ ମତିଭ୍ରମ।3। ଆସିଛି ରହିଛି ନିଶ୍ଚେ ଯିବି ଦିନେ ବହୁତ ପ୍ରତିଶ୍ରୁତି ଆମେ ଭେଟିଛେ ଜୀବନେ ପ୍ରତି ସମ୍ପର୍କରେ ସମୟର ତାଡନାରେ ପୂରଣ କିବା ହୋଇଛିକି ସବୁ ?।4। ହେ ପ୍ରତିଶ୍ରୁତି, ତୁମେ ଏକ ଭାବର ଧାରା ସେ ଧାରାର ସ୍ରୋତ ଅଟଇ ନିଆରା ତଥାପି ତୁମେ ଆମ ପ୍ରଗତିର ସାହାରା ରକ୍ଷା ପାଇଁ ସତତ ପ୍ରୟାସ ବଢାଇବ ଅନ୍ତର ବିଶ୍ବାସ ହୋଇ ଆମ ପ୍ରଗତିର ପ୍ରଶ୍ବାସ ହୋଇ ଆମ ପ୍ରଗତିର ପ୍ରଶ୍ବାସ। 5।              .... ଜୟ ଜଗନ୍ନାଥ ....        ସରୋଜିନୀ ପରମଗୁରୁ। 

ମିନି ବିନା ବରଷେ ଜନ୍ମ ନେଇଛେ ଧରା ପୃଷ୍ଠରେ                 ମୃତ୍ୟୁକୁନାହିଁ ଡର ଛାଡିଯାଏ ଯେଉଁ ପ୍ରିୟ ସମ୍ପର୍କକୁ          ସେ ହୁଏ ବହୁ କାତର।1। ଅଜଣା ଗ୍ରାମରେ ଜନ୍ମ ନେଇ ତୁହି          ହେଲୁ ରାଜଧାନୀ ବାସୀ ତୋହର ମହକ ପରିଚୟ ଦେଲା          ସେ ଅନ୍ତର ଗୁଣ ରାଶୀ।2। ଯେତେ ଦୁଃଖ କଷ୍ଟ ଅନ୍ତରରେ ଥିଲେ              ବାହାରେ ସଦା ହରସ ବ୍ରହ୍ମଜ୍ଞାନର ଅଧିକାରୀ ହୋଇ          ସଭିଁଙ୍କୁ କରିଲୁ ବସ।3। ଶରୀର ତୋର ଚାଲିଗଲା ଆସି              ପୁରିଲା ଏକ ବରଷ ଏପରି ଦିନ ବିତିନାହିଁ କେବେ     ନ ଖୋଜି ମୋର ମାନସ।4। ପ୍ରିୟ ବନ୍ଧୁଜନ ସ୍ମରଣ କରନ୍ତି        ଝୁରି ତୋର ବ୍ୟବହାର ନାତି ନାତୁଣୀଙ୍କ ଆଦର ପସରା         ହେଲା ତାଙ୍କ ଠାରୁ ଦୂର।5। ରାସ୍ତାକୁ ଚାହିଁଲେ ଭ୍ରମ ସୃଷ୍ଟି ହୁଏ            ଆସୁଛିକି ମିନି ଘରେ କାହାର ସଫେଦ ଚାଦର ଲୁଗା    ଦେଖି ମନ ତୋତେ ଖୋଜେ।6। ତୋର ବହି ଆଉ ଲେଖା ଦେଖିଲ...

ଝିଅ ବଞ୍ଚାନ୍ତୁ  ଝିଅ ପଢାନ୍ତୁ ଫୁଲ ଫଳ ସବୁ ସୃଷ୍ଟି ପଛେ ରହିଛିବିଧି ଆଶୀଷ ବୃକ୍ଷ ତାଙ୍କୁ ପାଳିବାରେ କରେନାହିଁ ନିରାଶ।1। ତା ସଂଚିତ ଜଳ ଖାଦ୍ୟ ବାଣ୍ଟେ ସାରା ବୃକ୍ଷର ଫୁଲ ଫଳ ମଧ୍ୟେ ସିଏ କରେ ନାହିଁ ଅନ୍ତର। 2। ଫୁଲ ତାର ପାଇଥାଏ ମୁଖ୍ୟ ସ୍ଥାନ ଅଗ୍ରରେ ତାହା ପାଇଁ ସୃଷ୍ଟି ହୁଏ ଫଳ ବୃକ୍ଷ ଡାଳରେ।3। ଫୁଲର ସୌନ୍ଦର୍ଯ୍ୟ ଆଉ ମହକର ଆବେଗ ଏ ମଣିଷ ତୋଳି ଆଣେ କରିବାକୁ ସେ ଭୋଗ ।4। ଭୋଗ୍ୟ ବସ୍ତୁର ଚାହିଦା ମାୟା ମୋହ ସଂସାରେ ଦେବ ମନ୍ଦିର ରେ ସିଏ ଥାଏ ମୂର୍ତ୍ତି ଶୀର୍ଷରେ ।5। ମାନବ ସମାଜେ ଝିଅ ପାଏ ଫୁଲ ଆସ୍ଥାନ ପୁତ୍ର କନ୍ୟା ମଧ୍ୟେ ଝିଅ ହୋଇଥାଏ ମହାନ୍। 6। ତା ହୃଦୟ ହୋଇଥାଏ ଫୁଲ ପରି କୋମଳ ତାର ଶାନ୍ତ ରୂପ କାନ୍ତି ଦୂରକରେ ମନୁ ମଳ ।7। ଏହି ନାରୀ ଦୁର୍ଗାଶକ୍ତି କେବେ ସାଜେ ପଦ୍ମାବତୀ ଝାନ୍ସୀ ରାଣୀ ଲକ୍ଷ୍ମୀବାଇ ଅବା ସୀତାପରୀ ସତୀ।8। ସଂସ୍କୃତିର ଡୋରି ସଦା ଥାଏ ତାର ହାତରେ ବିପଥଗାମୀ ସମାଜ ବଦଳେତା ଶିକ୍ଷାରେ।9। ତାହାର ସୁରକ୍ଷା ଆଉ ସୁଶିକ୍ଷାର ଦାୟିତ୍ୱ କେବେ ବୁଝିବ ଏ ସମାଜ ଲୁଚିଲାଣି ଅସ୍ତିତ୍ବ। 8। କନ୍ୟା ସନ୍ତାନର ପିତାମାତା ଏହି ସମାଜ ନ ବୁଝି ତା ମହତ୍ତ୍ୱ ହୋଇଯାଏ ନିର୍ଲଜ।9। ଭ୍ରୃଣ ହତ୍ୟା କନ୍ଯା ଚୋରୀ ଦୁଷ୍କର୍ମର ଶିକାରେ ଯଉତୁକ ବୋଝ ପାଇଁ ବଳିପଡେ ଶରୀରେ।10। ଝିଅଙ୍କୁ ବଞ୍ଚାନ୍ତୁ ଏହି ପ୍ରବୃତ୍ତିର କବଳୁ ତାହାର ଉନ୍ନତି ପାଇଁ ମନୋଭାବ ବଦଳୁ।11। ଝିଅଙ୍କୁ...

ଆହେ ଭକତ ବନ୍ଧୁ ଭକ୍ତଙ୍କର ବନ୍ଧୁ     ହେକରୁଣା ସିନ୍ଧୁ          ବସିଛ ହୋଇ ମଉନ ତୁମ ବିନା ଭକ୍ତ      ଭୋଗଇ ଯେ ଦଣ୍ଡ           ତୁମେବି ଭୋଗ ସମାନ                ଆହେ ଭକତ ବନ୍ଧୁ    ପାରି କର ଏହି ଭବ ରୂପି ସିନ୍ଧୁ। ଆହେ.1 ଶ୍ରୀ ମନ୍ଦିରେଆଜି     ନାହିଁ କୋଳାହଳ             ଶୁଭୁ ନାହିଁ ହୁଳହୁଳି ଜୟ ଜଗନ୍ନାଥ      ଜୟ ଜଗନ୍ନାଥ           ନାଦରେ ଲାଗେ ଶିକୁଳି              ଆହେ ଦୀନବନ୍ଧୁ      ପତିତ ଜନର ପ୍ରାଣବିନ୍ଦୁ।ଆହେ..2। ଆସୁ ନାହିଁ ଆଉ     ଦାସିଆ ନଡିଆ          ଅବା ମରୁଆ ତୁଳସୀ ଶୁଭୁ ନାହିଁ ଆଉ      ସୁଆରଙ୍କ ଡାକ          ଆନନ୍ଦ ବଜାରେବସି            ଆହେ କୃପା ସିନ୍ଧୁ    କେବେ ଫେଡିବ ଏହି ବିପଦୁ।ଆହେ..3। ସରିଗଲା ପିତୃ...

ସେ ମୋ ଜଗନ୍ନାଥ          ସ............ତ। ସବୁରି ଆନନ୍ଦେ ତୁହି ସତ।ସେ ମୋ ଜଗନ୍ନାଥ। (ଘୋଷା)। ସବୁରି  ଦୁଃଖରେ ତୋର ସାଥ।ସେମୋ  ସବୁରି ନାଆରେ ତୁହି କାତ।ସେମୋ... ସବୁରି ମଥାରେ  ତୋର ହାତ। ସେମୋ.. ସବୁରି ରୋଗର ତୁ ଔଷଧ।ସେ ମୋ .. ସବୁରି ପ୍ରାଣରେ ତୁ ଜୀବିତ।ସେ ମୋ .. ସବୁରି ନିଃସଙ୍ଗେ ତୁହି ସାଥ।ସେ ମୋ .. ସବୁରି ନଦୀର ତୁହି ସ୍ରୋତ।ସେ ମୋ .. ସୁନୀଳ ସାଗରେ ତୁ ନିଦ୍ରିତ।ସେ ମୋ .. ସଂସାର ବିପତ୍ତି କରୁ ଅନ୍ତ।ସେ ମୋ .. ସଶ୍ୟ ଭଣ୍ଡାର ର କୃଷିକ୍ଷେତ।ସେ ମୋ .. ସମୟର ସାଥେ ଆତଯାତ।ସେ ମୋ .. ସଂସାରେ ତୋ ବିନାଲାଗେ ଭିତ।ସେମୋ ସୂର୍ଯ୍ୟଚନ୍ଦ୍ର ଙ୍କର ଆତଯାତ।ସେ ମୋ .... ସୂକ୍ଷ୍ମ ରୁ ସୂକ୍ଷ୍ମରେ ତୁହି ସ୍ଥିତ।ସେ ମୋ ... ସବୁରି ଘଟରେ ଥାଉ ଗୁପ୍ତ।ସେ ମୋ ... ଶ୍ରୀମନ୍ଦିରେ ଉଡେ ତୋର ନେତ।ସେମୋ  ସବୁ ହୃଦୟ ର ପ୍ରଣିପାତ।ସେ ମୋ .... ସ୍ବୟଂ ବ୍ରହ୍ମ ରୂପ ତୋର ସତ।ସେ ମୋ ... ସବୁ ମିଥ୍ୟା ମାୟା ତୁହି ସତ।ସେ ମୋ ... ସୃଷ୍ଟି ସ୍ଥିତି ଲୟେ ତୁ ଅନନ୍ତ।ସେ ମୋ .. ସେ ପଦେ କରୁଛି ମଥାନତ।ସେ ମୋ ଜଗନ୍ନାଥ। ସେ ମୋ ଜଗନ୍ନାଥ.....     ଜୟ ଜଗନ୍ନାଥ     ଆଶ୍ରୀତା ସରୋଜିନୀ ପରମଗୁରୁ।

ଗୁରୁ ଦିବସ ପ୍ରଥମ ଗୁରୁଙ୍କ ପରିଚୟ ବ୍ରହ୍ମା କରିଛନ୍ତି ପ୍ରଜା ସୃଷ୍ଟି  ଜଗତେ ଜୀବନ ପାଳନ ନିମନ୍ତେ  ଶିକ୍ଷକ କରନ୍ତି ପୁଷ୍ଟି।1। ମାନବ ଜାତିର କଲ୍ୟାଣ ନିମନ୍ତେ  ଗୁରୁଙ୍କର ଆବିର୍ଭାବ  ନିଜ ବୁଦ୍ଧି ଜ୍ଞାନ ଆଲୋକ ଦେଖାଏ ନେଇ ସନ୍ତାନ ର ଭାବ।2। ମାତା ପିତା ଦୁହେଁ ଆଦ୍ୟ ଗୁରୁ ସିଏ ଈଶ୍ବରଙ୍କ।ଅବଦାନ  ଜୀବନ ଯାତ୍ରାକୁ ଦିଗ୍ଦର୍ଶନ ଦେବା ଶିକ୍ଷକର ହୁଏ ଧର୍ମ ।3। ଗୁରୁଙ୍କର ବାଣୀ ଗୁରୁଙ୍କ ଆଦେଶ  ଶିକ୍ଷା ନାବର ଆହୁଲା ସଂସାର ସାଗରେ ସେ ଗୁରୁ ନାବିକ ଆନନ୍ଦେ କରେ ଚାଳନା। 4। ଶିକ୍ଷକର ଧର୍ମ ଜ୍ଞାନ ବିତରଣ  ଦେଖେ ନାହିଁ ତାର ସ୍ବାର୍ଥ  ଦକ୍ଷିଣା ସ୍ବରୂପ ସମ୍ନାନ କୋଥଳି ହୋଇଥାନ୍ତି ସେ ସନ୍ତୁଷ୍ଟ। 5। ଶିକ୍ଷକ ଜୀବନ ଧନ୍ୟ ହୋଇଯାଏ  ଶିଷ୍ୟ ଙ୍କର ଉନ୍ନତିରେ ଜ୍ଞାନର ଭଣ୍ଡାର ଆଶୀର୍ବାଦ ରୂପେ ଢାଳିଦିଏ ତା ଶିରରେ।6। ଗୁରୁ ନ କରନ୍ତି ଭେଦଭାବ କାରେ ଉଚ୍ଚ ନିଚ୍ଚ ପ୍ରତିଷ୍ଠା ରେ ଶିଷ୍ୟଙ୍କ ଜୀବନ ପ୍ରକାଶ ନିମନ୍ତେ  ଜଗତେ ପଥ ପ୍ରସାରେ।7। ସମାଜରେ ଗୁରୁ ସ୍ଥାନଟି ମହାନ୍  ରହିଅଛି ତାଙ୍କ ଟେକ ଈଶ୍ବରଙ୍କ ରୂପେ ପୂଜିଲେ ଗୁରୁଙ୍କୁ  ଜୀବନ ହେବ ସମୃଦ୍ଧ। 8। ସରୋଜିନୀ ପରମଗୁରୁ (ଅବସର ପ୍ରାପ୍ତ ପ୍ର ଶିକ୍ଷୟତ୍ରୀ)।

ମନ  ମନବୋଲି ଏକ ସୂକ୍ଷ୍ମ ସତ୍ତାକୁ ରଚିଛନ୍ତି ଭଗବାନ  ମନ ନୁହେଁ ସେତ ଆମରି ଭିତରେ ଅନୁଭବ ରୂପି ଯାନ ଏଇତ ଆମରି ମନ ।1। ଶୋଇବା ବେଳରେ ପାଖେ ପାଖେ ଥାଏ ଚେତାରେ ଉଡେ ଗଗନ ବୁଦ୍ଧି ବିବେକର ଶୃଙ୍ଖଳା ନ ମାନି  ଘୁରେ ଭିନ୍ନ ଭିନ୍ନ ସ୍ଥାନ  ଏଇତ ଆମରି ମନ। 2। ଆଖି କାନ ନାକ ସାଙ୍ଗରେ ଗୋଡାନ୍ତି କରିବାକୁ ବିଡମ୍ବନ ବର୍ହିମୁଖୀ ବନ୍ଧୁ ନେଇଯାନ୍ତି ତାକୁ  ଯହିଁ ଯାଏ ତାଙ୍କ ଧ୍ୟାନ  ଏଇତ ଆମରି ମନ। 3। ଆନ୍ଦୋଳିତ କେବେ କରିଥାଏ ଜୀବେ କେବେ ଦେଖାଏ ସପନ କେବେ ଶାନ୍ତ ହୋଇ ରହିଯାଏ ପାଶେ ଜୀବେ କରାଏ ମହାନ ଏଇତ ଆମରି ମନ। 4। ସାରା ଜଗତର ରୂପକୁ ଦେଖଇ ପାଦେ ନକରେ ଗମନ ଶରୀରର ସାଥେ ନ ଥାଏ କେବେ ସେ କେବେ ହୁଏ ହୀନିମାନ ଏଇତ ଆମରି ମନ। 5। ଦୁଃଖ ରଭାବନା କରିଥାଏ ସିଏ  ସୁଖେ ହୁଅଇ ଉଚ୍ଛନ୍ନ ସୁଖ ଦୁଃଖ ସବୁ ତାହାର କଳ୍ପନା  ଆତ୍ମା ରହିଥାଏ ଭିନ୍ନ  ଏଇତ ଆମରି ମନ। 6। ପାଚ୍ୟ ଖାଦ୍ୟ ଆମ ଶରୀର ଖୋଜଇ ମନ ଖୋଜେ ସ୍ବାଦ ସିନା ଶରୀରର ଭଲ ମନ୍ଦ ସେ ନ ବୁଝେ ଏହି ତାର ବିଡମ୍ବନା  ଏଇତ ଆମରି ମନ। 7। ମନ ହୁଏ ରୋଗୀ ମନ ହୁଏ ଭୋଗୀ ମନ କର ନିୟନ୍ତ୍ରଣ  ମନକୁସାଇତି ପାରିଲେ ସଂସାରେ ପାଇବୁ ତୁ ସନମାନ ଏଇତ ଆମରି ମନ। 8। ମନ ଗଢିଥାଏ କେତେ ଯେ ସପନ କେବେ ହୋଇଯାଏ ଭଗ୍ନ ସପନ ସାକାର କରିବାକୁ ତାର ଲଗାଏ ସାରା ଜୀବନ ଏଇତ ଆମରି ମନ। 9। ସାରା ଜୀବନର ସାଥୀ ସେ ଆମର ଜନ୍ମ ଜନ୍ମ...

  ସ୍ନାନ ପୂର୍ଣ୍ଣିମା ମାନବୀୟ ଲୀଳା ପାଇଁ ହୋଇଅଛ ପ୍ରତିବଦ୍ଧ  ହେ ଚକାନୟନ । ଗ୍ରୀଷ୍ମ ଋତୁର ନିଦାନ ଖରାରେ ଏ ସଂସାର ଜଞ୍ଜାଳ  ରୌଦ୍ର ତାପରେ ଅତିଷ୍ଠ ଉତାପର ଶେଷଭାଗେ ଜ୍ୟେଷ୍ଠ ପୂର୍ଣ୍ଣିମା ରେ । ରତ୍ନ ବେଦିରୁ ଓହ୍ଲାଇ  ଆସିବ ସ୍ନାନ ମଣ୍ଡପ  କରିବାକୁ ସ୍ନାନ । ଶହେଆଠ ଗରାଜଳସୁନାକୂଅରୁ  ଚନ୍ଦନ ଅଗୁର କର୍ପୂର ବାସରେ ଢାଳିଦେବେ ମହାଆନନ୍ଦରେ ସାଜିଦେବେ ଗଜେନ୍ଦ୍ର ବେଶରେ । ଭକ୍ତ ମାନଙ୍କୁ ଦେବ କି ଦର୍ଶନ  ଧରି ସେ ଅପୂର୍ବ ରୂପକୁ ବର୍ଷ କରେ ଥରେ ଦେଖିବ ନୟନ ପୂରାଇ ସେ ଗଜାନନ ବେଶ । ଝଲିସିବସୋଲର ମୁକୁଟ  ହାତୀ କାନସାଙ୍ଗରେ  ଶୁଣ୍ଡ ଲମ୍ବାଇ ଖାଇବ ଦାଣ୍ଡେ ମହାପ୍ରସାଦ ।  ତବ ଶରୀରର ଶୀତଳତା ମୌସୁମୀକୁ ପ୍ରବେଶ ହସିବକି ପୃଥିବୀ ପାଇନବ  ବର୍ଷାର ପରଶ । ହୋଇ କି ଜ୍ବର ତାପ  ଭାରି ସ୍ନାନ ପରେ  ବିଶ୍ରାମ କରିବ ଯାଇ ଅଣସର ଘରେ  ତାଟି କବାଟେ ଆବଦ୍ଧ । ଦଇତାମାନେ ତିଆରିବେ  ମହୌଷଧି ପାଚନ  ତାର ସେବନେ  ସେ ନିରାକାର ଶରୀରର ସୁସ୍ଥତା  ମାନବକୁ ଦେବ ଶିକ୍ଷା  ସତର୍କତା ରକ୍ଷା ନୂଆ ବରଷାର । ଚଉଦଦିବସ ରହି ସଙ୍ଗରୋଧ ସୁସ୍ଥ ହୋଇ କଳେବର  ଉଭାହେବ ଅମାବାସ୍ୟାରେ  ନବ ଯୌବନ ବେଶେ।  ଏ ଚଉଦ ଦିନ କରୋନା ଉପରେ ହେବ ବଡ ପ୍ରହାର ହାରିବ କରୋନା  ଜିତିବ ଆମ ଓଡ଼ିଶା । ଏହିତ ...

ପ୍ରିୟ ଭାତୃ ଦିବସ ଜଗନ୍ନାଥଙ୍କ କରୁଣା ହେବାରୁ ଏ କୋ ଦରେ ଜନ୍ମ ନେଉ ସହୋଦର ନାମେ ସମାଜ ବକ୍ଷରେ ଭାତୃ ପରିଚୟ ପାଉ ।1। ଏକ ତନ ଏକ ମନରୁ ଉଦ୍ଭବେ ପ୍ରକାଶେ ସମାନ ଗୁଣ ଏକ ରକ୍ତ ପ୍ରବାହିତ ସେ ଶରୀରେ ଭାଇ ହିଁ ଭାଇର ଟାଣ ।2। ଯୁଦ୍ଧ ଯଦିକରି ବସିବା ଅନ୍ୟ ରେ ସଙ୍ଗତରେ ଥିବ ଭାଇ ତା ଠାରୁ ବିଶ୍ୱସ୍ତ ନିଜ ପରିବାରରେ ଆଉ କେହି ହେବେ ନାହିଁ।3। ଭାଇ ଭାଇ ହୋଇ ସମ୍ପତ୍ତିରେ ଭାଗ ସେତ ତାଙ୍କ ଅଧିକାର  ଭଉଣୀ ସଙ୍ଗତେ ସ୍ନେହର ଆଦାନ ସମ୍ପର୍କ କରେ ସୁନ୍ଦର। 4। ଭାଇ ମାନଙ୍କୁ ମୋ କରନ୍ତୁ ଦୀର୍ଘାୟୁ ରହିଥାନ୍ତୁ ଆନନ୍ଦରେ  ଭାଇ ମୋ ହୁଅନ୍ତୁ ଜଗତଜିତା ଏତିକି ପ୍ରାର୍ଥନା କରେ।5। ଜୟ ଜଗନ୍ନାଥ  ନାନୀ (ସରୋଜିନୀ ପରମଗୁରୁ) ।

 କାଳିଆରେ ତୋ ଦୁଆରୁ ମୋ ଦୁଆର ବହୁତ ଦୂର     କାଳିଆରେ ବହୁତ ଦୂର  କେଉଁ ଦୋଷ ପାଇଁ ମୋତେକଲୁଅନ୍ତର      କାଳିଆରେ କଲୁ ଅନ୍ତର।1। ଅନ୍ଧକାର ସେହିପଥ ନପଡେ ଜଣା      କାଳିଆରେ ନପଡେଜଣା କିପରି ମୁଁ ପହଞ୍ଚିବି ପାଟ ଅଗଣା      କାଳିଆରେ ପାଟ ଅଗଣା ।2। ନାହିଁ ବୁଦ୍ଧି ନାହିଁ ଭକ୍ତି ନାହିଁ ମୋସାଥି      କାଳିଆରେ ନାହିଁ ମୋ ସାଥି କେବଳ ରହିଛି ମନେତୋନାମେ ପ୍ରୀତି  କାଳିଆରେ ତୋ ନାମେ ପ୍ରୀତି।3।     ତୋଭକ୍ତକୁ ଟାଣିନେଉ ଡୋରିରେ ବାନ୍ଧି  କାଳିଆରେ ଡୋରିରେ ବାନ୍ଧି      ସେ ଡୋରି ଲାଗିଲେମନ ନହେବ ଛନ୍ଦି  କାଳିଆରେ ନହେବ ଛନ୍ଦି। 4।     ମନ ହୁଏ ବ୍ୟାକୁଳିତ ସେଡୋରି ପାଇଁ  କାଳିଆରେ ସେ ଡୋର ପାଇଁ      ଏ ପାପିକୁ ସେ ଡୋରିବା ମିଳିବ କାହିଁ  କାଳିଆରେ ମିଳିବ କାହିଁ ।5।     ତୁ କରୁଣାର ବାରିଧି ମୁଁ ମୁଢ ନର କାଳିଆରେ ମୁଁ ମୁଢ ନର     ତୋ କୃପା ପାଇଲେ ଯିବି ସିଂହ ଦୁଆର  କାଳିଆରେ ସିଂହ ଦୁଆର। 6।     ଯେଉଁ ଦିନ ଚର୍ମ ଆଖି ତୋଆଖିରେ ଯିବ ମିଶି  କାଳିଆରେ ତୋଆଖିରେ ଯିବ ମିଶି...